By zuka_x / Get This!

www.zestaphoni.ge 0492 25 26 26 www.zestaphoni.ge 0492 25 26 26 www.zestaphoni.ge 0492 25 26 26 www.zestaphoni.ge 0492 25 26 26 www.zestaphoni.ge 0492 25 26 26 www.zestaphoni.ge 0492 25 26 26 www.zestaphoni.ge 0492 25 26 26 www.zestaphoni.ge 0492 25 26 26 www.zestaphoni.ge 0492 25 26 26 www.zestaphoni.ge 0492 25 26 26 www.zestaphoni.ge 0492 25 26 26 www.zestaphoni.ge 0492 25 26 26 www.zestaphoni.ge 0492 25 26 26 www.zestaphoni.ge 0492 25 26 26 www.zestaphoni.ge 0492 25 26 26
 

6-04-2018, 18:38  - სააღდგომო ქველმოქმედება ზესტაფონის მერისგან მრავალშვილიან და სოციალურად დაუცველ ოჯახებს


სააღდგომო ქველმოქმედება ზესტაფონის მერისგან სოციალურად დაუცველ და მრავალშვილიან ოჯახებს. მუნიციპალიტეტის მერი, კახაბერ მახათაძე შეჭირვებულ და მრავალშვილიან ოჯახებს ეწვია. ქალაქის მერმა მათ ქრისტეს აღდგომის მოახლოებული დღესასწაული მიულოცა და პირადი დანაზოგიდან, სასურსათო პროდუქტები და ტკბილეული მიუტანა. მერის ინიციატივას „საპოვნელა +“ – ც გამოეხმაურა. ორგანიზაციის სახელით, სააღდგომო საჩუქრები, კახაბერ მახათაძესთან ერთად, დღეს „საპოვნელა +“ –ის თანამშრომლებმაც დაარიგეს და სხვებსაც მოუწოდეს ქველმოქმედებისაკენ.
 

5-04-2018, 19:28  - 12 – 15 აპრილს ზესტაფონი საქართველოს პირველობას უმასპინძლებს კრივში


12 აპრილს ზესტაფონის სპორტის სასახლეში საქართველოს ჩემპიონატი გაიხსნება კრივში. ტურნირი ზესტაფონის მუნიციპალიტეტის მერიისა და საქართველოს კრივის ეროვნული ფედერაციის ორგანიზებით მოსწავლე – მოკრივეთა შორის იმართება. საქართველოს პირველობისთვის 30 – ზე მეტი ქალაქის გუნდი იბრძოლებს. ზესტაფონის ღირსებას საქართველოს პირველობაზე შვიდი მოკრივე დაიცავს. მოკრივეებმა მზადება სპორტულ კომპლექს „ბლექსიში“ გაიარეს და ახლა უკვე რინგზე სასურველი შედეგის დასადებად გავლიან. საქართველოს ჩემპიონატი მოსწავლე მოკრივეთა შორის პირველად იმართება ზესტაფონში. ტურნირი რეგიონში კრივის, როგორც სახეობის პოპულარიზაციას ემსახურება. გარდა აღნიშნულისა ჩემპიონატზე შეირჩევიან ის მოკრივეები, რომლებითაც საქართველოს მოსწავლეთა ნაკრები დაკომპლექტდება. მოკრივეთა ნაკრები კი მიმდინარე წლის 21 – 30 მაისს ევროპის ჩემპიონატზე გასამართ ტურნირზე მიიღებენ მონაწილეობას, რომელიც ბულგარეთში გაიმარ
 

5-04-2018, 19:04  - სააღდგომო საჩუქრები ზესტაფონის მერისგან „ცხოვრების მეგზურს“


სააღდგომო საჩუქრები ზესტაფონის მერისგან „ცხოვრების მეგზურს“. ორგანიზაცია, რომელიც ობოლ, მზრუნველობამოკლებულ და შეზღუდული შესაძლებლობის მქონე პირებს აერთიანებს, მუნიციპალიტეტის მერი კახაბერ მახათაძე სტუმრობდა. ქალაქის მერმა, აღდგომის დღესასწაულთან დაკავშირებით, „ცხოვრების მეგზურს“ პირადად მერის სახელით, სასურსათო პროდუქტი და ტკბილეული მიუტანა. მოზარდებს მოახლოებული აღდგომის დღესასწაული მიულოცა და სამომავლოდაც დაპირდა მხარდაჭერას. სასაჩუქრე ნაკრები კახაბერ მახათაძემ დღეს სახელმწიფოს ზრუნვის ქვეშ მყოფ მოზარდებსაც მიუტანა სოფელ კვალითში.
 

5-04-2018, 12:43  - წითელი ჯვრის აქცია სოფელ მეორე სვირში


წითელი ჯვრის საქველმოქმედო აქციის ფარგლებში, ადგილობრივი თვითმმართველობის წარმომადგენლებმა, სოფელ მეორე სვირში მცხოვრებ სოციალურად დაუცველ და მრავალშვილიან ოჯახებს ტანსაცმელი მიუტანეს. საქველმოქმედო აქციით წითელი ჯვრის ორგანიზაციამ, ზესტაფონის მუნიციპალიტეტს 53 ათასი ლარის ღირებულების ტვირთი გადასცა ტანსაცმლის სახით. მუნიციპალიტეტის მერის მოადგილემ ბესიკ ლეონიძემ, მერის თანაშემწემ თეონა სირბილაძემ და სოფლის დეპუტატმა ტანსაცმელი დღეს მეორე სვირში დაარიგეს. ჰუმანიტარული ტვირთის დარიგება ეტაპობრივად მიმდინარეობს.

 

4-04-2018, 17:56  - სპორტულ ოლიმპიადაში მუნიციპალური თამაშები დასრულდა


სასკოლო სპორტული ოლიმპიადის მუნიციპალური თამაშები დასრულდა. სპორტის სასახლეში დაჯილდოვების ოფიციალური ცერემონია გაიმართა. ლიდერი გუნდები ადგილობრივი თვითმმართველობის წარმომადგენლებმა დააჯილდოვეს. მუნიციპალური პირველობა მინი ფეხბურთში მეორე საჯარო სკოლის გუნდმა მოიპოვა. ფინალურ შეხვედრაში დღეს ისინი მეოთხე სკოლას დაუპირისპირდნენ. დღეს გახდა ცნობილი ასევე გამარჯვებული გუნდების ვინაობა კალათბურთში გოგონებსა და ვაჟებს შორის. გოგონებს შორის ლიდერი მეოთხე სკოლის გუნდი გახდა, რომელმაც მესამე სკოლის ნაკრები გუნდის დამარცხება შეძლო. ვაჟებს შორის კალათბურთის ჩემპიონატში, გამარჯვებულის სტატუსი, მეექვსე სკოლამ მოიპოვა. ფინალურ შეხვედრაში მათ მესამე სკოლას სძლიეს. სასკოლო სპორტული ოლიმპიადა მუნიციპალიტეტში სპორტის 7 სახეობაში ჩატარდა. ოლიმპიადის მონაწილეებს თასები და მედლები მუნიციპალიტეტის მერის მოადგილემ ბესიკ ლეონიძემ, მერის თანაშემწემ მარადი ლიპარტელიანმა და სპორტის სასახლის დირექტორმა გურამ კაკოიშვილმა გადასცეს. დაჯილდოვებაში მონაწილეობას მერიის კულტურის სამსახური და საგანმანათლებლო რესურსცენტრიც იღებდა. სპორტის სხვადასხვა სახეობაში გამარჯვებულები, ოლიმპიადის წესების მიხედვით რეგიონალურ შეხვედრებში მიიღებენ მონაწილეობას. სასკოლო სპორტული ოლიმპიადის თამაშები 2015 წლიდნ იმართება და მისი მიზანია საზოგადოების და განსაკუთრებით მოსწავლე – ახალგაზრდობის მასობრივი ჩართვა სპორტში და სასკოლო სპორტის განვითარების ხელშეწყობა.
 

3-04-2018, 11:45  - შოროპნის ციხის ისტორიული ფასადის შესანარჩუნებლად ზესტაფონის მერიისა და კომპანია „სოკარი“ –ს წარმომადგენლობას შორის ერთგავარი შეთანხმება შედგა


შოროპნის ციხის ისტორიული ფასადის შესანარჩუნებლად ზესტაფონის მერიისა და კომპანია „სოკარი“ –ს წარმომადგენლობას შორის ერთგავარი შეთანხმება შედგა. ანტიკური ხანის ციხე – ქალაქი ტურისტებისთვის, ვიზიტორებისთვის და ადგილობრივი მოსახლეობისთვის უფრო მიმზიდველი გახდეს, ციხის მიმდებარე ტერიტორიაზე, ურთიერთშეთანხმების ფარგლებში, გაზის საჰაერო მაგისტრალის დემონტაჟი განხორციელდა, რაც ამიერიდან ციხის იერსახეს ვეღარ დაამახინჯებს და ფასადის ხილვადობა უფრო თვალშისაცემი გახდება. როგორც მუნიციპალიტეტის მერი, კახაბერ მახათაძე ამბობს: „კომპანიის მხრიდან ეს არის როგორც გულისხმიერების გამოხატულობა, ასევე პატივისცემა ჩვენი ისტორიული ძეგლების და კულტურის მიმართ, რისთვისაც მინდა მათ მადლობა გადავუხადო“.

 

2-04-2018, 16:31  - მარათონულ გარბენში მუნიციპალური პირველობა მოეწყო


მარათონულ გარბენში მუნიციპალური პირველობა მოეწყო სკოლებს შორის. სპორტულ ღონისძიებაში მონაწილეობას გოგონები და ვაჟები იღებდნენ. მარათონის მონაწილეებმა მამუკა ასლანიკაშვილის სანაპიროზე მეშვიდე საჯარო სკოლიდან სპორტის სასახლემდე არსებული მანძილი დაფარეს. გამოვლინდა საპრიზო სამეული, როგორც ვაჟებს, ასევე გოგონებს შორის. გამარჯვებულები მუნიციპალიტეტის მერის მოადგილემ ბესიკ ლეონიძემ და სპორტის სასახლის დირექტორმა გურამ კაკოიშვილმა დააჯილდოვეს. გამარჯვებული სპორტსმენები ქუთაისში დაგეგმილ რეგიონალურ ტურში მიიღებენ მონაწილეობას. სპორტული ღონისძიება სასკოლო – სპორტული ოლიმპიადის ფარგლებში მოეწყო. ოლიმპიადაში საქართველოს მასშტაბით, 1700 სკოლის ასი ათასამდე მოსწავლე ერთმანეთს სპორტის 9 სახეობაში ეჯიბრება. სასკოლო – სპორტული ოლიმპიადა, საქართველოს ბავშვთა და სასკოლო სპორტის ეროვნული ფედერაციის ორგანიზებით, განათლებისა და სპორტის სამინისტროების და ეროვნული ოლიმპიური კომიტეტის დახმარებით ხორციელდება.
 

31-03-2018, 18:30  - ზესტაფონი სპორტული ფესტივალის მასპინძელი იყო


ზესტაფონის მუნიციპალიტეტი დღეს სპორტული ფესტივალის „სპორტი ყველასათვის“ მასპინძელი იყო. ფესტივალის ფარგლებში, სპორტის სასახლეში შეჯიბრი მოეწყო მინი ფეხბურთში სკოლებს შორის. სპორტულ ღონისძიებაში მონაწილეობას გოგონათა და ვაჟთა გუნდები იღებდნენ. სპორტული ფესტივალის ფორმატის მიხედვით გამოვლინდნენ გამარჯვებული გუნდები. ლიდერთა სამეული ვაჟებს შორის ასე გადანაწილდა: პირველი ადგილი ქალაქის N 6 საჯარო სკოლა, მეორე ადგილი N5, ხოლო მესამე ადგილი N1 საჯარო სკოლის გუნდმა აიღო. გოგონათა შორის კი ფესტივალის გამარჯვებული ქალაქის N7 საჯარო სკოლა გახდა. მეორე ადგილი კი გოგონათა შორის N 3 სკოლის გუნდმა აიღო. სპორტულ ფესტივალს თვალყურს ადევნებდა ზესტაფონის მუნიციპალიტეტის მერი, კახაბერ მახათაძე. მან გამარჯვებულებს წარმატება მიულოცა და დაჯილდოვების ცერემონიაში მიიღო მონაწილეობა. პროექტი სპორტისა და ახალგაზრდობის საქმეთა სამინისტროსა და ეროვნული ფედერაცია „სპორტი ყველასათვის“ ორგანიზებით იმართება. ფესტივალის მიზანია სამოყვარულო სპორტის განვითარება, სპორტის სხვადასხვა სახეობებში ფართო მასების ჩართვა და ქვეყანაში ჯანსაღი ცხოვრების წესის დამკვიდრება და პოპულარიზაცია.
 

31-03-2018, 17:12  - „გიყვარდეს შენი ქალაქი“ მუნიციპალიტეტის მერის ახალი ინიციატივა


ზესტაფონის მუნიციპალიტეტის მერის, კახაბერ მახათაძის ინიციატივით, 2018 წლის 31 მარტს საფუძველი ჩაეყარა ქალაქის დასუფთავების მასშტაბურ აქციას „გიყვარდეს შენი ქალაქი“. დასუფთავების აქციას პირადად ხელმძღვანელობდა ქალაქის მერი და მასში მონაწილეობას მუნიციპალიტეტის მერია, საკრებულო, ა (ა) იპ დაწესებულებები, საჯარო სკოლები, ქალაქის მოსახლეობა და ბინათმესაკუთრეთა ამხანაგობები იღებდნენ. აქციის მიმდინარეობისას, კეთილმოწყობისა და დასუფთავების სამსახურთან ერთად, კახაბერ მახათაძე ქალაქის ცენტრალურ ნაწილში, ახალი ურნების განთავსების პროცესსაც ადევნებდა თვალყურს. მუნიციპალური განვითარების ფონდის მხარდაჭერით ზესტაფონს 50 ცალი ურნა გადაეცა. აქცია „გიყვარდეს შენი ქალაქი“ სხვადასხვა სახის აქტივობებს აერთიანებს. მათ შორისაა: „გაამწვანე შენი ქალაქი“; დასუფთავების პროცესში ჩართულმა მერმა და მოადგილემ დავით ჩირგაძემ დღეს ასევე წიწვოვანი ჯიშის ხეებიც დარგეს ახალ სკვერში. დასუფთავების მასშტაბური აქცია ამიერიდან ყოველი თვის ბოლო შაბათ დღეს მოეწყობა. ღონისძიებას ასევე ექნება კონკურსის ხასიათი, რის შემდეგაც გამოვლინდებიან ყოველი თვის შემდეგი ნომინანტები: „საუკეთესო კომპანია“; გამარჯვებული ამხანაგობიდან „ყველაზე სუფთა და ლამაზი ეზო“; „ყველაზე მზრუნველი მოქალაქე“; „საუკეთესო ინიციატორი“ და ა.შ.
 

30-03-2018, 14:59  - მუნიციპალიტეტი სისხლის უანგარო დონორთა აქციას შეუერთდა


ზესტაფონის მუნიციპალიტეტის მერია და საკრებულო „სისხლის გადასხმის საქალაქო სადგურის“ დონორთა უანგარო აქციას „გაიღე სისხლი გადაარჩინე სიცოცხლე“ შეუერთდა. სისხლის დონაციის აქციაში მერიის სამსახურები, მერის თანაშემწე, საკრებულოს თავმჯდომარე და საკრებულოს აპარატის თანამშრომლები ჩაერთვნენ. უანგარო დონორთა აქციაში ჩართვის მიზანი სისხლის სარეზერვო მარაგის და მისი კომპონენტების რეგულარულ შევსებას ითვალისწინებს. „სისხლის გადასხმის საქალაქო სადგური“ კი ერთ – ერთი წამყვანი ბანკია საქართველოში, რომელიც დონორული სისხლისგან სისხლის კომპონენტების დამზადებას და კლინიკების სისხლით მომარაგებას უზრუნველყოფს. ზესტაფონის ადგილობრივი თვითმმართველობა, ყოველ წელს აქტიურადაა ჩართული დონორთა უანგარო აქციაში.
 
>