By zuka_x / Get This!

www.zestaphoni.ge 0492 25 26 26 www.zestaphoni.ge 0492 25 26 26 www.zestaphoni.ge 0492 25 26 26 www.zestaphoni.ge 0492 25 26 26 www.zestaphoni.ge 0492 25 26 26 www.zestaphoni.ge 0492 25 26 26 www.zestaphoni.ge 0492 25 26 26 www.zestaphoni.ge 0492 25 26 26 www.zestaphoni.ge 0492 25 26 26 www.zestaphoni.ge 0492 25 26 26 www.zestaphoni.ge 0492 25 26 26 www.zestaphoni.ge 0492 25 26 26 www.zestaphoni.ge 0492 25 26 26 www.zestaphoni.ge 0492 25 26 26 www.zestaphoni.ge 0492 25 26 26
 

2-05-2018, 16:11  - ფალიაშვილის ქუჩაზე გზის სარეაბილიტაციო სამუშაოები დაიწყო


ფალიაშვილის ქუჩაზე გზის კეთილმოწყობის სამუშაოები დაიწყო. რეაბილიტაცია ქუჩის ასფალტის საფარით მოწყობას ითვალისწინებს. საგზაო ინფრასტრუქტურის მოსაწესრიგებლად 57141 ლარია გათვალისწინებული. პროექტი რეგიონული განვითარების ფონდის ფინანსური მხარდაჭერით ხორციელდება. მიმდინარე სამუშაოები დღეს მერის მოადგილემ, დავით ჩირგაძემ და ინფრასტრუქტურის სამსახურის უფროსმა, დავით აბულაძემ დაათვალიერეს და რეაბილიტაციის პროცესს ადგილზე გაეცნენ. გზის აღდგენაზე სატენდერო ვალდებულებით, „საპოვნელა +“ მუშაობს. სულ მოკლე დროში კი ფარნავაზის I ჩიხისა და 26 მაისის ქუჩების რეაბილიტაციაც დაიწყება.
 

1-05-2018, 17:51  - მუნიციპალური პირველობა ჭადრაკში – „სპორტი ბარიერების გარეშე“


ზესტაფონის საჭადრაკო სკოლაში „სპორტი ბარიერების გარეშე“ – ფარგლებში მუნიციპალური პირველობა გაიმართა ჭადრაკში. ტურნირში მონაწილეობას საჯარო და კერძო სკოლების მოსწავლეები იღებდნენ. ჩემპიონატი ოლიმპიური სისტემის პრინციპით მიმდინარეობდა. სპორტულ ღონისძიებაში ჩართულ 28 მოსწავლეს შორის, სამი საპრიზო ადგილი ასე გადანაწილდა: ტურნირის ლიდერი გიორგი ჩაფიჩაზე გახდა, ხოლო მეორე და მესამე ადგილები პეტრე ნადირაძემ და პაატა ჯოხაძემ დაიკავეს. მუნიციპალურ პირველობაზე გამარჯვებულები, პროექტის მიხედვით, ჭადრაკის რეგიონალურ ტურნირში მიიღებენ მომაწილეობას, წარმატების შემთხვევაში კი მათ საქართველოს პირველობაზე მოუწევთ ასპარეზობა. პროექტი ბავშვთა და ახალგაზრდობის ეროვნული ცენტრის ორგანიზებით ხორციელდება. ჭადრაკის ფინალური ტური, ანაკლიაში „მომავლის ბანაკში“ გაიმართება.
 

1-05-2018, 15:00  - არა თამბაქოს! პიარ – აქცია ზესტაფონის მერიაში


1 მაისიდან, „თამბაქოს კონტროლის შესახებ“ კანონის ამოქმედებას ზესტაფონის მუნიციპალიტეტის მერია ერთგვარი პიარ – აქციით შეუერთდა. მუნიციპალიტეტის მერის, კახაბერ მახათაძის ინიციატივით, მერიის თანამშრომლები ახალგაზრდული პარლამენტის წევრებს და სხვადასხვა საჯარო სკოლების უფროსკლასელებს შეხვდნენ. მერმა ახალგაზრდებს, ცხოვრების ჯანსაღი წესის დამკვიდრებისკენ მოუწოდა. როგორც კახაბერ მახათაძემ მათთან შეხვედრისას აღნიშნა: „მე არამწეველთა კატეგორიას მივეკუთნები და ჩემი დამოკიდებულებით, ვფიქრობ არა მარტო საკუთარ ჯანმრთელობას, არამედ ჩემს ირგვლივ მყოფთაც ვუფრთხილდები“. მერიის თანამშრომლებმა, იმედი გამოთქვეს, რომ რეგულაციების დაწესება თამბაქოს მოხმარებაზე, მწეველთა რიცხვს შეამცირებს. შეხვედრის დასასრულს, კახაბერ მახათაძემ, ახალგაზრდებთან ერთად, ანტინიკოტინური კამპანიის ამსახველი პოსტერებიც გააკრა.
 

30-04-2018, 17:14  - ზესტაფონში საბიბლიოთეკო კვირეული გაიხსნა


ზესტაფონის ცენტრალურ ბიბლიოთეკაში, საბიბლიოთეკო კვირეული გაიხსნა. კვირეულის პირველი დღე, კონსტანტინე გამსახურდიას დაბადებიდან 125 წლისთავს და დიდი მწერლის შემოქმედებასა და საზოგადოებრივ მოღვაწეობას დაეთმო. ღონისძიება მეხუთე საჯარო სკოლის მოსწავლეებმა წარმოადგინეს. გაიხსენეს კონსტანტინე გამსახურდიას ლიტერატურული მემკვიდრეობისა და მოღვაწეობის ყველა მნიშვნელოვანი ეპიზოდი. ერთ საათიან პროგრამას ფოტო და ვიდეო მასალების თემატური კადრებიც გასდევდა. კვირეულის ფარგლებში, საბიბლიოთეკო გაერთიანების ყველა დაწესებულება ჩაერთვება. მოეწყობა „ჩემი საყვარელი წიგნი“ –ს საჯარო განხილვა, დაგეგმილია მირზა გელოვანის ხსოვნის საღამოსა და იოსებ ნონეშვილის დაბადებიდან 100 წლისთავისადმი მიძღვნილი ღონისძიებების გამართვაც.
 

28-04-2018, 13:31  - ზესტაფონი საერთაშორისო ტურნირს მასპინძლობს კიკბოქსინგში


ზესტაფონის სპორტის სასახლეში, საერთაშორისო ტურნირი გაიხსნა კიკბოქსინგში. საერთაშორისო პირველობაზე, საქართველოდან 20 კლუბის წარმომადგენელი ასპარეზობს. ტურნირში მონაწილეობას ირანისა და სომხეთის ნაკრების სპორტსმენებიც იღებენ. ზესტაფონის სახელით ჩემპიონატზე 10 სპორტსმენი გამოდის. სპორტული ღონისძიების მონაწილეებს, მერის მოადგილე, ბესიკ ლეონიძე და მერის თანაშემწე, მარადი ლიპარტელიანი მიესალმნენ და წარმატებული ასპარეზობა უსურვეს კიკბოქსინგელებს საერთაშორისო სარბიელზე. ტურნირს კიკბოქსინგის ფედერაციის პრეზიდენტი, ლაშა ჭურაძე ადევნებს თვალყურს. გამარჯვებულები სიგელებითა და მედლებით დაჯილდოვდებიან. საერთაშორისო ტურნირს კიკბოქსინგში უკვე მესამედ მასპინძლობს ზესტაფონის მუნიციპალიტეტი.

 

27-04-2018, 17:57  - ფაროსანასთან საბრძოლველად ზესტაფონს 2 სპეციალიზირებული მანქანა გადაეცა


აზიური ფაროსანას წინააღმდეგ ბრძოლის სახელმწიფო პროგრამის ფარგლებში, ზესტაფონის მუნიციპალიტეტში, მავნებლის გასანადგურებელი სპეციალიზირებული ტექნიკის პრეზენტაცია გაიმართა. საკორდინაციო შტაბის ხელმძღვანელმა ლაშა შალამბერიძემ და სურსათის ეროვნული სააგენტოს უფროსის მოადგილემ, გიორგი იაკობაშვილმა მუნიციპალიტეტის ხელმძღვანელ პირებს, ადმინისტრაციულ ერთეულებში მერის წარმომადგენლებს და საზოგადოებას, ის ძირითადი გზავნილები გააცნო, რასაც სახელმწიფო ახორციელებს ამ მიმართულებით. მათ ასევე ისაუბრეს ტექნიკის აღჭურვილობისა და მისი გამოყენების შესახებ. პროგრამის ფარგლებში, ზესტაფონს 2 ერთეული მაღალი გამავლობის სპეციალიზირებული ავტომანქანა გადაეცა. მათ შორის 1 თერმული ნისლის აგრეგატი და 1 ცივი შესხურების ტექნიკა. როგორც საკორდინაციო შტაბის ხელმძღვანელმა განმარტა, შეწამვლითი სამუშაოების დაწყებამდე 24 საათით ადრე, წინასწარ ეცნობება სოფლის მოსახლეობას. სახელმწიფო, აზიური ფაროსანას წინააღმდეგ ბრძოლის მიმართულებით, სამ ძირითად მიმართულებას ახორციელებს.
 

27-04-2018, 08:46  - იმუნიზაციის კვირეული – აცერი და დაიცავი! ვაქცინები მოქმედებს!


ევროპის იმუნიზაციის კვირეულის ფარგლებში, საზოგადოებრივი ჯანმრთელობის ზესტაფონის მუნიციპალურ ცენტრში, მოსახლეობის ცნობიერების ამაღლების და იმუნიზაციის მნიშვნელობის გაცნობის მიზნით, მრავალი აქტივობა დაიგეგმა და განხორციელდა.
კვირეულის სლოგანია: "ვაქცინები მოქმედებს! აცერი და დაიცავი!" ცენტრი ემსახურება მუნიციპალიტეტის მოსახლეობას და ახდენს ვაქცინებისა და ასაცრელი მასალების მიღება–გაცემას სამედიცინო დაწესებულებებზე, ვაქცინაციის ჩატარებას და მონიტორინგს, C ჰეპატიტის სკრინინგს და სხვა. ასევე ატარებს სკრინინგულ კვლევას ჰელმინთებზე (პარაზიტებზე) და ხდება 5 – დან 10 წლამდე ბავშვებისათვის, პროფილაქტიკის მიზნით, პრეპარატების უსასყიდლოდ გაცემა.
იმუნიზაციის კვირეულის მხარდასაჭერად და ამ მხრივ, საზოგადოების ცნობიერების ამაღლების მიზნით, ზესტაფონის მუნიციპალიტეტის მერიის თანამშრომლები, C ჰეპატიტის სკრინინგ პროგრამაში ჩაერთნენ.
 

25-04-2018, 21:26  - კახაბერ მახათაძემ სოფლებთან შეხვედრები ილმიდან დაიწყო


ზესტაფონის მუნიციპალიტეტის მერი კახაბერ მახათაძე, მერის პირველი მოადგილე დავით ჩირგაძე და სოფელ ილმის მაჟორიტარი დეპუტატი ჯემალ გორგოძე, ილმის მოსახლეობას შეხვდა.
შეხვედრაზე საუბარი მიმდინარე ინფრასტრუქტურულ პროექტებსა და სოფლის ძირითად საჭიროებებს შეეხო, რაც ძირითადი და შიდა საუბნო გზების, სხვადასხვა უბნების დამაკავშირებელ ხიდ-ბოგირების, მაღალი და დაბალი ძაბვის ავარიული ელექტრო ენერგიის გადამცემების, სანიაღვრე არხებისა და სკოლამდელი აღზრდის დაწესებულების რეკონსტრუქციას გულისხმობს. აღსანიშნავია, რომ ძირითადი გზის აღდგენითი სამუშაოები ადგილზე ორ კვირაში დაიწყება.
,,ჩემთვის ცნობილია, რომ სოფელს ტრანსპორტირებისა და მტაცებელი ნადირის მიერ პირუტყვის განადგურების პრობლემები აწუხებს, მინდა გითხრათ, რომ აღნიშნული საკითხების მოსაწესრიგებლად შესაბამის სამსახურებთან მოლაპარაკება მიმდინარეობს“ - განაცხადა მუნიციპალიტეტის მერმა კახაბერ მახათაძემ.
შეხვედრას ასევე ესწრებოდა გარემოს დაცვისა და სოფლის მეურნეობის სამინისტროს იმერეთის რეგიონალური სამმართველოს უფროსი რუსუდან ძიძიშვილი, რომელმაც ადგილობრივებს მცენარეთა დაცვის მიზნით, აზიური ფაროსანას წინააღმდეგ გასატარებელ ღონისძიებაში ჩართულობისკენ მოუწოდა და ქიმიური პრეპარატების გამოყენების წესები აუხსნა.
 

25-04-2018, 20:48  - ზესტაფონში, წყალგაყვანილობის პრობლემებზე, უახლესი ტექნიკა იმუშავებს


საქართველოს გაერთიანებული წყალმომარაგების კომპანიის უახლესი სპეციალური ტექნიკა ზესტაფონშია და წყალგაყვანილობის სისტემისა და საკანალიზაციო კოლექტორების გაწმენდაზე იმუშავებს. მუნიციპალიტეტის მერი, კახაბერ მახათაძე და მერის პირველი მოადგილე, დავით ჩირგაძე, კომპანიის წარმომადგენლებს სამუშაო პროცესში შეხვდნენ და ქალაქის წყალგაყვანილობისა და საკანალიზაციო სისტემის პრობლემური მონაკვეთები გააცნეს. გაუმართავი სისტემის გამო, რამდენიმე ადგილზე, წვიმის დროს, მუდმივად დგება წყალი, რაც პრობლემას უქმნის სამანქანო გადაადგილებას, ქვეითად მოსიარულეებსა და მაღაზიის მეპატრონეებს.

„ზესტაფონს ეს პრობლემა დიდი ხანია აქვს და მისი გადაჭრა უმნიშვნელოვანესი ამბავია“, –ამბობს კახაბერ მახათაძე.

საქართველოს გაერთიანებული წყალმომარაგების კომპანიის წარმომადგენლის, ბაკურ ჩხენკელის თქმით, უახლესი ტექნიკა და შესაბამისი სამსახურები ზესტაფონში პრობლემის სრულ აღმოფხვრამდე დარჩებიან.
 

25-04-2018, 19:06  - ზესტაფონის მხარეთმცოდნეობის მუზეუმში ხსოვნის საღამო გაიმართა


მხარეთმცოდნეობის მუზეუმის საგამოფენო დარბაზში ხსოვნის საღამო გაიმართა. ღონისძიებას მუნიციპალიტეტის მერიის და საკრებულოს წარმომადგენლებთან ერთად, სასულიერო პირები, საგანმანათლებლო და ჯანდაცვის სფეროს, კომპანია „ჯორჯიან მანგანეზის“ წარმომადგენლები და რიგითი ზესტაფონელები ესწრებოდნენ. ხსოვნის საღამოზე, ზესტაფონში მოღვაწე სხვადასხვა პროფესიის ადამიანები გაიხსენეს. ადამიანები, რომელთაც ერთი მისია აერთიანებდათ, უანგაროდ იდგნენ ქალაქის და ქვეყნის სამსახურში. საღამოს ორგანიზატორებმა, მუზეუმის არქივში დაცული ფოტომასალების კოლაჟი წარმოადგინეს და დამსწრე საზოგადოებას მისცეს შესაძლებლობა, გაეხსენებინათ ადამიანები, რომლებიც ქმნიდნენ ქალაქის ისტორიას. მუნიციპალიტეტის მერის თანაშემწემ, მარადი ლიპარტელიანმა, მერიის სახელით მადლობა გადაუხადა საღამოს ორგანიზატორებს და მსგავსი ღონისძიებების ორგანიზებაში, მხარდაჭერა აღუთქვა.
 
>