By zuka_x / Get This!

www.zestaphoni.ge 0492 25 26 26 www.zestaphoni.ge 0492 25 26 26 www.zestaphoni.ge 0492 25 26 26 www.zestaphoni.ge 0492 25 26 26 www.zestaphoni.ge 0492 25 26 26 www.zestaphoni.ge 0492 25 26 26 www.zestaphoni.ge 0492 25 26 26 www.zestaphoni.ge 0492 25 26 26 www.zestaphoni.ge 0492 25 26 26 www.zestaphoni.ge 0492 25 26 26 www.zestaphoni.ge 0492 25 26 26 www.zestaphoni.ge 0492 25 26 26 www.zestaphoni.ge 0492 25 26 26 www.zestaphoni.ge 0492 25 26 26 www.zestaphoni.ge 0492 25 26 26
 

9-05-2018, 15:28  - ზესტაფონში ფაშიზმზე გამარჯვების დღე აღნიშნეს


ფაშიზმზე გამარჯვების დღე, მეორე მსოფლიო ომის ვეტერანებს, ხელისუფლების წარმომადგენლებმა მიულოცეს. 9 მაისის აღსანიშნავად გამართული ღონისძიებები დილის 10 : 00 სთ დაიწყო. ვეტერანები, ტრადიციულად, მუნიციპალიტეტის ადმინისტრაციულ შენობასთან შეიკრიბნენ, სადაც მათ ადგილობრივი თვითმმართველობის წარმომადგენლები დახვდნენ და ვეტერანებს ფაშიზმზე გამარჯვების 73 – ი წლისთავი მიულოცეს. მერის მოადგილემ, ბესიკ ლეონიძემ, მერის თანაშემწემ, მარადი ლიპარტელიანმა, საკრებულოს თავმჯდომარენ ვახტანგ ღამბაშიძემ, მერიისა და საკრებულოს წარმომადგენლებთან ერთად, ყვავილებით შეამკეს მეორე მსოფლიო ომის გმირების, ალექსანდრე ბიბილაშვილისა და სერგო კეთილაძის ბიუსტები. პატივი მიაგეს და ყვავილები მიიტანეს დაბა შორაპანში და თაბუკაშვილის ქუჩაზე არსებულ გმირთა მემორიალებთან. გამარჯვების დღის აღსანიშნავად, მერიის ორგანიზებით, მხარეთმცოდნეობის მუზეუმში ღონისძიება გაიმართა. 9 მაისთან დაკავშირებით, ადგილობრივი თვითმმართველობის გადაწყვეტილებით, ვეტერანებმა ფულადი თანხა, 200 ლარი მიიღეს. ღონისძიების დასრულების შემდეგ, მერის მოადგილემ ბესიკ ლეონიძემ, მუნიციპალიტეტის მერის, კახაბერ მახათაძის სახელით, ვეტერანებს ფულადი თანხა და სამადლობელი სიგელები გადასცა. სიგელები და ფულადი თანხა, ზესტაფონში მცხოვრებმა 17 –მა ვეტერანმა მიიღო.
 

8-05-2018, 11:31  - ველოტური „საქართველო მშვიდობისთვის“


ზესტაფონის მუნიციპალიტეტის მერია, ველოტურის, „საქართველო მშვიდობისთვის“ ორგანიზატორის ნოდარ ბერიძეს მასპინძელი იყო. ცნობილი ველომრბოლელი მერიის თანამშრომლებს შეხვდა და მის მიერ დაგეგმილი ველოტურის მნიშვნელობაზე ესაუბრა. ველომარათონის ფარგლებში, ნოდარ ბერიძემ, ევროპისა და აზიის კონტინენტი მოიარა და საქართველოში თურქეთიდან შემოვიდა. მიმდინარე ველოტურს, ნოდარ ბერიძე საქართველოს დამოუკიდებლობის დღეს, 26 მაისს უძღვნის და სწორედ ამ დღეს გეგმავს თბილისში ჩასვლას. ველოტურის მისია მშვიდობისა და ტოლერანტობის პროპაგანდას, სპორტისა და ცხოვრების ჯანსაღი წესის პოპულარიზაციას ემსახურება. ახალ ველომარათონს, ველომრბოლელი ეგიდით „კავკასია მშვიდობისთვის“ ევრაზიის კონტინენტზე დაიწყებს.

 

4-05-2018, 15:38  - ჭანტურიას ქუჩაზე ახალი ინფრასტრუქტურა მოეწყო


ქალაქის ცენტრალურ ნაწილში, ჭანტურიას ქუჩაზე ახალი ინფრასტრუქტურა მოეწყო. რეაბილიტირებულ ავტოსაგზაო მარეგულირებელ წრეზე კი დეკორატიული საათი დამონტაჟდა. პროექტის ფარგლებში, ფაბრიკის მიმდებარე ტერიტორიაზე, გზაგამყოფი ბილიკებიც მოეწყო. სამუშაოები რეგიონული განვითარების ფონდის ფინანსური მხარდაჭერით განხორციელდა, რომლის ღირებულება 93969 ლარია. ჭანტურიას ქუჩაზე, ისევე, როგორც სხვა ცენტრალურ ქუჩებზე სულ ცოტა ხნის წინ, საგზაო მოძრაობის წესების დაცვის და უსაფრთხო გადაადგილების მიზნით, ზებრა გადასასვლელების დახაზვაც დასრულდა. თანამედრვე ინფრასტრუქტურის შექმნით, გალამაზდა როგორც ქალაქის იერსახე, ასევე ახალი პროექტი იძლევა იმის შესაძლებლობას, რომ გაუმჯობესდება გადაადგილება, როგორც ავტოტრანსპორტისთვის, ასევე ქვეითად მოსიარულეებისთვისაც.

 

2-05-2018, 18:08  - ზესტაფონი გვირილობის დღესასწაულზე


„ზესტაფონის იმერული ეზო“ მუხრანის ტყე – პარკში მრავალმხრივი პროგრამით იყო წარმოდგენილი. ფოლკლორული ნომრების სინთეზი, ხალხური რეწვის ნიმუშები და ხელნაკეთი აქსესუარები, ჭედურობა, ტიხრული მინანქარი, თიხა და თექის ნიმუშები, ზესტაფონის მუნიციპალიტეტმა საგანგებოდ მოწყობილ სივრცეში გამოფინა. ექსპოზიციაზე, ზესტაფონის რძის გადამამუშავებელი საწარმოს პროდუქციაც იყო გამოფენილი. ღვინის მცირე მეწარმეებმა კი იმერული ღვინო წარმოადგინეს. „ზესტაფონურ ეზოს“ იმერეთის სამხარეო ადმინისტრაციის,სხვადასხვა რეგიონების წარმომადგენლები და უცხოელი ვიზიტორები სტუმრობდნენ, მათ მასპინძლობას ზესტაფონის მუნიციპალიტეტის მერია უწევდა. საერთო სახალხო დღესასწაულზე, გვირილობის პროგრამის ფარგლებში 30 – ზე მეტი ღონისძიება ჩატარდა.

 

2-05-2018, 16:11  - ფალიაშვილის ქუჩაზე გზის სარეაბილიტაციო სამუშაოები დაიწყო


ფალიაშვილის ქუჩაზე გზის კეთილმოწყობის სამუშაოები დაიწყო. რეაბილიტაცია ქუჩის ასფალტის საფარით მოწყობას ითვალისწინებს. საგზაო ინფრასტრუქტურის მოსაწესრიგებლად 57141 ლარია გათვალისწინებული. პროექტი რეგიონული განვითარების ფონდის ფინანსური მხარდაჭერით ხორციელდება. მიმდინარე სამუშაოები დღეს მერის მოადგილემ, დავით ჩირგაძემ და ინფრასტრუქტურის სამსახურის უფროსმა, დავით აბულაძემ დაათვალიერეს და რეაბილიტაციის პროცესს ადგილზე გაეცნენ. გზის აღდგენაზე სატენდერო ვალდებულებით, „საპოვნელა +“ მუშაობს. სულ მოკლე დროში კი ფარნავაზის I ჩიხისა და 26 მაისის ქუჩების რეაბილიტაციაც დაიწყება.
 

1-05-2018, 17:51  - მუნიციპალური პირველობა ჭადრაკში – „სპორტი ბარიერების გარეშე“


ზესტაფონის საჭადრაკო სკოლაში „სპორტი ბარიერების გარეშე“ – ფარგლებში მუნიციპალური პირველობა გაიმართა ჭადრაკში. ტურნირში მონაწილეობას საჯარო და კერძო სკოლების მოსწავლეები იღებდნენ. ჩემპიონატი ოლიმპიური სისტემის პრინციპით მიმდინარეობდა. სპორტულ ღონისძიებაში ჩართულ 28 მოსწავლეს შორის, სამი საპრიზო ადგილი ასე გადანაწილდა: ტურნირის ლიდერი გიორგი ჩაფიჩაზე გახდა, ხოლო მეორე და მესამე ადგილები პეტრე ნადირაძემ და პაატა ჯოხაძემ დაიკავეს. მუნიციპალურ პირველობაზე გამარჯვებულები, პროექტის მიხედვით, ჭადრაკის რეგიონალურ ტურნირში მიიღებენ მომაწილეობას, წარმატების შემთხვევაში კი მათ საქართველოს პირველობაზე მოუწევთ ასპარეზობა. პროექტი ბავშვთა და ახალგაზრდობის ეროვნული ცენტრის ორგანიზებით ხორციელდება. ჭადრაკის ფინალური ტური, ანაკლიაში „მომავლის ბანაკში“ გაიმართება.
 

1-05-2018, 15:00  - არა თამბაქოს! პიარ – აქცია ზესტაფონის მერიაში


1 მაისიდან, „თამბაქოს კონტროლის შესახებ“ კანონის ამოქმედებას ზესტაფონის მუნიციპალიტეტის მერია ერთგვარი პიარ – აქციით შეუერთდა. მუნიციპალიტეტის მერის, კახაბერ მახათაძის ინიციატივით, მერიის თანამშრომლები ახალგაზრდული პარლამენტის წევრებს და სხვადასხვა საჯარო სკოლების უფროსკლასელებს შეხვდნენ. მერმა ახალგაზრდებს, ცხოვრების ჯანსაღი წესის დამკვიდრებისკენ მოუწოდა. როგორც კახაბერ მახათაძემ მათთან შეხვედრისას აღნიშნა: „მე არამწეველთა კატეგორიას მივეკუთნები და ჩემი დამოკიდებულებით, ვფიქრობ არა მარტო საკუთარ ჯანმრთელობას, არამედ ჩემს ირგვლივ მყოფთაც ვუფრთხილდები“. მერიის თანამშრომლებმა, იმედი გამოთქვეს, რომ რეგულაციების დაწესება თამბაქოს მოხმარებაზე, მწეველთა რიცხვს შეამცირებს. შეხვედრის დასასრულს, კახაბერ მახათაძემ, ახალგაზრდებთან ერთად, ანტინიკოტინური კამპანიის ამსახველი პოსტერებიც გააკრა.
 

30-04-2018, 17:14  - ზესტაფონში საბიბლიოთეკო კვირეული გაიხსნა


ზესტაფონის ცენტრალურ ბიბლიოთეკაში, საბიბლიოთეკო კვირეული გაიხსნა. კვირეულის პირველი დღე, კონსტანტინე გამსახურდიას დაბადებიდან 125 წლისთავს და დიდი მწერლის შემოქმედებასა და საზოგადოებრივ მოღვაწეობას დაეთმო. ღონისძიება მეხუთე საჯარო სკოლის მოსწავლეებმა წარმოადგინეს. გაიხსენეს კონსტანტინე გამსახურდიას ლიტერატურული მემკვიდრეობისა და მოღვაწეობის ყველა მნიშვნელოვანი ეპიზოდი. ერთ საათიან პროგრამას ფოტო და ვიდეო მასალების თემატური კადრებიც გასდევდა. კვირეულის ფარგლებში, საბიბლიოთეკო გაერთიანების ყველა დაწესებულება ჩაერთვება. მოეწყობა „ჩემი საყვარელი წიგნი“ –ს საჯარო განხილვა, დაგეგმილია მირზა გელოვანის ხსოვნის საღამოსა და იოსებ ნონეშვილის დაბადებიდან 100 წლისთავისადმი მიძღვნილი ღონისძიებების გამართვაც.
 

28-04-2018, 13:31  - ზესტაფონი საერთაშორისო ტურნირს მასპინძლობს კიკბოქსინგში


ზესტაფონის სპორტის სასახლეში, საერთაშორისო ტურნირი გაიხსნა კიკბოქსინგში. საერთაშორისო პირველობაზე, საქართველოდან 20 კლუბის წარმომადგენელი ასპარეზობს. ტურნირში მონაწილეობას ირანისა და სომხეთის ნაკრების სპორტსმენებიც იღებენ. ზესტაფონის სახელით ჩემპიონატზე 10 სპორტსმენი გამოდის. სპორტული ღონისძიების მონაწილეებს, მერის მოადგილე, ბესიკ ლეონიძე და მერის თანაშემწე, მარადი ლიპარტელიანი მიესალმნენ და წარმატებული ასპარეზობა უსურვეს კიკბოქსინგელებს საერთაშორისო სარბიელზე. ტურნირს კიკბოქსინგის ფედერაციის პრეზიდენტი, ლაშა ჭურაძე ადევნებს თვალყურს. გამარჯვებულები სიგელებითა და მედლებით დაჯილდოვდებიან. საერთაშორისო ტურნირს კიკბოქსინგში უკვე მესამედ მასპინძლობს ზესტაფონის მუნიციპალიტეტი.

 

27-04-2018, 17:57  - ფაროსანასთან საბრძოლველად ზესტაფონს 2 სპეციალიზირებული მანქანა გადაეცა


აზიური ფაროსანას წინააღმდეგ ბრძოლის სახელმწიფო პროგრამის ფარგლებში, ზესტაფონის მუნიციპალიტეტში, მავნებლის გასანადგურებელი სპეციალიზირებული ტექნიკის პრეზენტაცია გაიმართა. საკორდინაციო შტაბის ხელმძღვანელმა ლაშა შალამბერიძემ და სურსათის ეროვნული სააგენტოს უფროსის მოადგილემ, გიორგი იაკობაშვილმა მუნიციპალიტეტის ხელმძღვანელ პირებს, ადმინისტრაციულ ერთეულებში მერის წარმომადგენლებს და საზოგადოებას, ის ძირითადი გზავნილები გააცნო, რასაც სახელმწიფო ახორციელებს ამ მიმართულებით. მათ ასევე ისაუბრეს ტექნიკის აღჭურვილობისა და მისი გამოყენების შესახებ. პროგრამის ფარგლებში, ზესტაფონს 2 ერთეული მაღალი გამავლობის სპეციალიზირებული ავტომანქანა გადაეცა. მათ შორის 1 თერმული ნისლის აგრეგატი და 1 ცივი შესხურების ტექნიკა. როგორც საკორდინაციო შტაბის ხელმძღვანელმა განმარტა, შეწამვლითი სამუშაოების დაწყებამდე 24 საათით ადრე, წინასწარ ეცნობება სოფლის მოსახლეობას. სახელმწიფო, აზიური ფაროსანას წინააღმდეგ ბრძოლის მიმართულებით, სამ ძირითად მიმართულებას ახორციელებს.
 
>